Տեղեկատվական անվտանգության փորձագետ Արթուր Պապյանը հայտնել է, որ Facebook-ը զանգվածաբար ջնջում է հայկական լրատվամիջոցների բովանդակությունը, հայտնում է «ԱՌԿԱ-Տելեկոմ» հեռահաղորդակցության պորտալը։
«Վերջին երկու-երեք շաբաթվա ընթացքում հայկական բազմաթիվ լրատվամիջոցների ֆեյսբուքյան էջերից բովանդակությունը ջնջվել է, հաճախ բացարձակապես անհայտ պատճառներով»,- գրել է նա սոցցանցի իր էջում։
Պապյանն ասել է, որ կապի մեջ է Meta-ի ներկայացուցչի հետ և խնդրել, որ իր գրառման տակ գտնվող մեկնաբանություններում հրապարակվեն ֆեյսբուքյան այն էջերի հղումները, որոնցից վերջին երկու շաբաթվա ընթացքում ջնջվել կամ արգելափակվել է բովանդակությունը։
Նման տասնյակ հղումներ սկսեցին հայտնվել Պապյանի գրառման մեկնաբանություններում։
