Հայաստանն ու Ռուսաստանը պետք է նոր ռազմական դաշինք կնքեն, ProBusiness հեռուստաալիքին տված հարցազրույցում ասել է Հարավային Կովկասի հարցերով փորձագետ, ԵԱՏՄ ինստիտուտի տնօրեն Վլադիմիր Լեպեխինը։
«Հայեցակարգը, որ ես առաջարկել եմ Հայաստանի պաշտպանության նախարարին, այն է, որ Հայաստանն ու Ռուսաստանը պետք է նոր ռազմական դաշինք կնքեն, պարզ է, որ դա պետք է տեղի ունենա Հայաստանի նախաձեռնությամբ։ Ավելին, կարող է լինել երկու տարբերակ և երկրորդն ավելի օպտիմալ է, ես ենթադրում էի, որ երրորդ կողմ կլինի՝ այս համաձայնագրում հաշվի են առնված Արցախի շահերը»,- ասել է Լեպեխինը։
Նա նշել է, որ արցախյան 44-օրյա պատերազմի համատեքստում ռուս քաղաքական գործիչները վկայակոչում են այն փաստը, որ Հայաստանի հետ համաձայնագիրը չի նախատեսում զինված ուժերի գործողությունները, չկա ուղղակի պատասխանատվություն։
«Ռազմական դաշինքը պետք է բխի ոչ թե տեքստից, այլ իրականությունից։ Հայաստանն ու Ռուսաստանը պետք է հստակեցնեն հարաբերությունները․ մենք ռազմական դաշնակիցներ ենք, թե ոչ, սա ի՞նչ դաշինք է, որ մենք կոնկրետ պաշտպանում ենք Հայաստանի շահերը, եթե նրանք ՀԱՊԿ անդամ են. և այլն։Բայց բոլորը, թե (ՀՀ վարչապետ Նիկոլ՝ խմբ.) Փաշինյանը, թե մեր քաղաքական գործիչները շրջանցում են այս հարցը, և նոր պայմանավորվածություն չկա։Ուստի Ադրբեջանն իր տրամաբանության շրջանակներում քիչ-քիչ ներթափանցում է (Հայաստանի տարածք՝ խմբ.)»,- ասել է փորձագետը։
Հայաստանի Հանրապետության և Ռուսաստանի Դաշնության միջև բարեկամության, համագործակցության և փոխադարձ օգնության պայմանագիրը ստորագրվել է 1997թվաանին։
