Ֆրանսիայի նախագահ Էմանուիլ Մակրոնը դեմ է արտահայտվել Ադրբեջանի դեմ պատժամիջոցներին։
«Պատժամիջոցների ժամանակը չէ։ Դրանք հակաարդյունավետ կլինեն և թույլ չեն տա լավագույնս պաշտպանել հայկական տարածքը և դրա բնակիչներին»,- ասել է Ֆրանսիայի նախագահը Գրանադայում Եվրոպական քաղաքական համայնքի գագաթնաժողովի ժամանակ, հաղորդում է BFMTV-ն։
Մակրոնը նաև խորը ափսոսանք է հայտնել Գրանադայում Ադրբեջանի և Թուրքիայի նախագահների բացակայության համար, որոնք մերժել են գագաթնաժողովին մասնակցելու հրավերը։ Չնայած դրան, նա կոչ է արել Եվրոպային շարունակել ջանքերը նախագահ Իլհամ Ալիևին բանակցային սեղանի շուրջ նստեցնելու ուղղությամբ։
Եվրախորհրդարանն այսօր բանաձև է ընդունել Ղարաբաղի վերաբերյալ, որը կոչ է անում պատժամիջոցներ սահմանել Ադրբեջանում մեղավորների նկատմամբ և վերանայել հարաբերությունները Բաքվի հետ։ Եվրախորհրդարանը Արցախում ստեղծված իրավիճակը համարել է էթնիկ զտումներ և խստորեն դատապարտել ադրբեջանական զորքերի կողմից Ղարաբաղի հայերի նկատմամբ իրականացվող սպառնալիքներն ու բռնությունները։
