Հայաստանին պետք է հնարավորություն տրվի պաշտպանելու իր խաղաղ բնակչությանը և ապահովելու իր սահմանների պաշտպանությունը։ Երկուշաբթի օրը մենք կպաշտոնականացնենք Հայաստանի կողմից ֆրանսիական արտադրողներից որոշակի քանակությամբ զենքի ձեռքբերումը։ Ֆրանսիայի պաշտպանության նախարար Սեբաստյան Լեկորնուի այս խոսքերը մեջբերել է ՀՀ-ում Ֆրանսիայի դեսպան Օլիվյե Դեկոտինին X-ի իր միկրոբլոգում.
Ավելի վաղ Հայաստանի պաշտպանության նախարարությունը հայտնել էր, որ Ֆրանսիայի զինված ուժերի նախարար Սեբաստիան Լեկորնուի հրավերով պաշտպանության նախարար Սուրեն Պապիկյանը հոկտեմբերի 22-ին աշխատանքային այցով մեկնել է Ֆրանսիա։ Անցյալ շաբաթ Ֆրանսիայի զինված ուժերի նախարարը Սենատի հանձնաժողովում 2024 թվականի բյուջեի քննարկման ժամանակ հայտնել էր, որ Ֆրանսիան պաշտպանական զենք է վաճառելու Հայաստանին։
