Հայաստանի և Թուրքիայի ԱԳ նախարարներ Արարատ Միրզոյանը և Հաքան Ֆիդանը հեռախոսազրույցի ընթացքում քննարկել են հայ-թուրքական հարաբերությունների կարգավորմանն ու տարածաշրջանային խնդիրներին, հայտնում են թուրքական լրատվամիջոցները՝ վկայակոչելով իրենց դիվանագիտական աղբյուրները։ Ինչպես ավելի ուշ հայտնեց Հայաստանի ԱԳՆ-ն, նախարարները քննարկել են Հայաստանի և Թուրքիայի միջև հարաբերությունների կարգավորմանն ու պայմանավորվածությունների կատարման ընթացքը։
«Զրուցակիցները քննարկել են երկու երկրների միջև հետևողական երկխոսությանը, ինչպես նաև տարածաշրջանային զարգացումներին առնչվող հարցեր»,- հավելել են գերատեսչությունում։ Մարտի 1-ին Անթալիայում տեղի է ունեցել Միրզոյանի և Ֆիդանի հանդիպումը՝ դիվանագիտական ֆորումի շրջանակներում։ Նրանք քննարկել են Հայաստանի և Թուրքիայի միջև հարաբերությունների կարգավորման հարցը և հաստատել հարաբերությունների ամբողջական կարգավորման հասնելու իրենց պատրաստակամությունը։ Հայաստանի վարչապետ Նիկոլ Փաշինյանը և Թուրքիայի նախագահ Ռեջեփ Թայիփ Էրդողանը հունիսի 18-ին հեռախոսով քննարկել են տարածաշրջանի վերջին զարգացումները և միջազգային օրակարգը։
