Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան խորը մտահոգություն է հայտնել Լաչինի միջանցքի շուրջ իրավիճակի վատթարացման կապակցությամբ։
«Հումանիտար հրատապ կարիքները լուծելու բանալին տեղաշարժի ազատության ապահովումն է: ՆԱՏՕ-ն բոլոր շահագրգիռ կողմերին կոչ է անում կրկնապատկել ջանքերը հայ-ադրբեջանական համաձայնության հասնելու համար»,- գրել է Կոլոմինան Twitter-ի իր միկրոբլոգում:
