Հայաստանի վարչապետ Նիկոլ Փաշինյանը շնորհավորել է Ռեջեփ Թայիփ Էրդողանին՝ Թուրքիայի նախագահի պաշտոնում վերընտրվելու կապակցությամբ։
«Անհամբերությամբ սպասում եմ մեր համատեղ աշխատանքի շարունակությանը մեր երկրների միջև հարաբերությունների ամբողջական կարգավորման համար»,- գրել է Փաշինյանը Twitter-ում։
Ըստ Anadolu գործակալության՝ Թուրքիայում կիրակի օրը կայացած նախագահական ընտրությունների երկրորդ փուլի քվեների գրեթե 99,9 տոկոսի հաշվարկով առաջատարը Էրդողաննն է՝ հավաքելով ձայների 51,97 տոկոսը, մինչդեռ ընդդիմադիր թեկնածու Քեմալ Քըլըչդարօղլուն հավաքել է ձայների 48,03 տոկոսը։
