Ռուսաստանն այժմ պարզապես դիտարկում է Ադրբեջանի տարածքով Հայաստան, այնտեղից Իրան և, հնարավոր է, նաև այլ երկրներ էլեկտրաէներգիա մատակարարելու հնարավորությունը։ Այս մասին ՌԻԱ Նովոստիին տված հարցազրույցում հայտարարել է ՌԴ էներգետիկայի նախարար Նիկոլայ Շուլգինովը։
«Առաջին փուլում մենք պայմանավորվում ենք Թեհրանի և Բաքվի հետ օգտագործել առկա ենթակառուցվածքները՝ առանց նոր շինարարության»,- նշել է նա։ Նախարարի խոսքով՝ խոսքը ռուսական կողմից 300 ՄՎտ ծավալի մասին է։ «Ծրագրի բոլոր մասնակիցները շահագրգռված են, կտեսնենք, թե ինչպես կստացվի»,- ասել է Շուլգինովը:
