ԱՄՆ-ը չի պատրաստվում դադարեցնել Ադրբեջանի հետ համագործակցությունը, ասել է ԱՄՆ պետքարտուղարության խոսնակ Մեթյու Միլերը։
«Մենք երբեք չենք ասել, որ չենք շարունակում համագործակցել Ադրբեջանի հետ։ Դա կհակասի մեր՝ որպես Ամերիկայի Միացյալ Նահանգների շահերին»,- ճեպազրույցում ասել է Միլերը, խոսելով ԱՄՆ պետքարտուղարի Եվրոպայի և Ասիայի հարցերով օգնական Դեյվիդ Օ'Բրայենի Բաքու առաջիկա այցի մասին:
Միլերի խոսքով, եթե ԱՄՆ-ը պարզապես դադարեցնի բոլոր դիվանագիտական հարաբերությունները Ադրբեջանի հետ, դա կհակասի տարածաշրջանում խաղաղության և անվտանգության շահերին:
«Մենք շարունակում ենք փոխգործակցել ուղղակիորեն Ադրբեջանի և Հայաստանի հետ՝ պարզաբանելու, օրինակ՝ Ադրբեջանի դեպքում, որտեղ մենք մտահոգություններ ունենք», - ասել է նա, վկայակոչելով այդ երկրում լրագրողների վերջին ձերբակալությունները:
Պետքարտուղարության ներկայացուցիչը նաև նշել է, որ Վաշինգտոնը շարունակում է կոչ անել Բաքվին ձգտել Հայաստանի հետ կայուն խաղաղության։ «Սա կշարունակի մնալ մեր դիվանագիտական ջանքերի ուշադրության կենտրոնում», - ասել է Միլերը:
