Ընդդիմադիր քաղաքական գործիչ, Հայաստանի Հանրապետական կուսակցության փոխնախագահ Արմեն Աշոտյանը կալանավորվեց 2 ամիս ժամկետով։ Այս մասին Facebook–յան իր էջում հայտնել է փաստաբան Տիգրան Աթանեսյանը։
Աշոտյանը ձերբակալվել է ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող՝ «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումներին վերաբերող քրեական վարույթի շրջանակներում;
Աշոտյանը 2005-2006թթ․ աշխատել է ԵՊԲՀ ռեկտորի խորհրդական հասարակական հիմունքներով, 2009-2016թթ. զբաղեցրել է Հայաստանի կրթության և գիտության նախարարի պաշտոնը։
