Սերբիայում ընթացող հունահռոմեական ոճի ըմբշամարտի Եվրոպայի մինչև 17 տարեկան մարզիկների առաջնության եզրափակիչում Հայաստանի չորս մարզիկներ կպայքարեն ոսկու համար։ 45 կգ քաշային կարգում Մարատ Աճեմյանը 8:0 հաշվով հաղթեց Ադրբեջանի ներկայացուցիչ Նիժատ Իսկանդարլիին և դուրս եկավ մրցաշարի եզրափակիչ, որտեղ կհանդիպի ռուս մարզիկ Ասլանբեկ Կոստոևի հետ։
Եզրափակիչ դուրս եկավ նաև Յուրիկ Մխիթարյանը (51)՝ 8:0 հաշվով առավելության հասնելով ռումինացի ըմբիշ Լուիս Վլադի նկատմամբ։
Եզրափակչում Մխիթարյանը կհանդիպի Ադրբեջանի ներկայացուցիչ Թուրան Դաշդամիրովի հետ։ 60 կգ քաշային կարգում Ալեքս Մարգարյանը դուրս եկավ եզրափակիչ։ Կիսաեզրափակչում նա 14։9 հաշվով հաղթել է Ուկրաինայի ներկայացուցիչ Վադիմ Մատրոսին։ Եզրափակչում Մարգարյանը կհանդիպի ադրբեջանցի ըմբիշ Այխան Ջավադովի հետ։ 110 կգ քաշային Սեյրան Կիրակոսյանը եզրափակիչում կհանդիպի Ուկրաինայի ներկայացուցիչ Իվան Յանկովսկու հետ։ Կիսաեզրափակչում Կիրակոսյանը հաղթեց Բուլղարիայի ներկայացուցիչ Դենիս Լազարովին։
