Բռնցքամարտի Հայաստանի երիտասարդական հավաքականը Սարաևոյում ավարտված Եվրոպայի մինչև 16 տարեկանների առաջնությունում նվաճել է 3 ոսկե, 6 արծաթե և 1 բրոնզե մեդալ։
Մեդալների քանակով Հայաստանի հավաքականը թիմային պայքարում 38 երկրների մեջ զբաղեցրել է երկրորդ տեղը, հայտնում է ՀՀ կրթության, գիտության, մշակույթի և սպորտի նախարարության մամուլի ծառայությունը։
Հայաստանի ներկայացուցիչներից Եվրոպայի չեմպիոնի կոչումներ են շնորհվել Ամեստ Աֆրիկյանին (48 կգ), Սիմոն Սիմոնյանին (48 կգ) և Սամվել Սիրամարգյանին (75 կգ):
Արծաթե մեդալակիրներն էին Սյուզաննա Իշխանյանը (46 կգ), Առնո Դարչինյանը (46 կգ), Տիգրան Հովսեփյանը (54 կգ), Մարտին Սահակյանը (60 կգ), Ալեքս Պետրոսյանը (63 կգ) և Արտեմ Ստեփանյանը (66 կգ):
Հայաստանի հավաքականի միակ բրոնզե մեդալը բերեց Հրաչ Խաչատրյանը (+80 կգ):
Բոսնիա և Հերցեգովինայի մայրաքաղաքում անցկացվել է մինչև 16 տարեկան տղաների և աղջիկների Եվրոպայի 2024 թվականի առաջնությունը և ավարտվել հունիսի 30-ին։
