ՈւԵՖԱ-ն գործ է հարուցել Հայաստանի հավաքականի մարզիչ Ալեքսանդր Պետրակովի դեմ Եվրո-2024-ի ընտրական փուլի 6-րդ տուրի Խորվաթիայի հավաքականի հետ խաղից հետո (0:1)։ Այս մասին հայտնում է կազմակերպության պաշտոնական կայքը, հաղորդում է armsport–ը։
Մասնագետը մեղադրվում է հանդիպման մեկնարկը ուշացնելու մեջ։ Մեղադրանք է առաջադրվել նաև Հայաստանի ֆուտբոլի ֆեդերացիային՝ մարզադաշտում հասարակական անցումները արգելափակելու, քաղաքական բնույթի սադրիչ հաղորդագրությունների, պիրոտեխնիկայի և հանդիպման ուշ մեկնարկի համար։
Նշենք, որ խաղի ընթացքում դաշտի վրայով բաց է թողնվել արցախյան դրոշով անօդաչու թռչող սարք, հայ ու խորվաթ երկրպագուների միջև տեղի է ունեցել զանգվածային ծեծկռտուք։
Այս պահին Հայաստանի հավաքականը յոթ միավորով զբաղեցնում է D խմբի մրցաշարային աղյուսակի երրորդ տեղը: Խորվաթիայի հավաքականը 10 միավորով գլխավորում է մրցաշարային աղյուսակը։ Նույնքան միավոր ունի երկրորդ տեղում ընթացող Թուրքիայի հավաքականը։
