Ադրբեջանի արտաքին գործերի նախարար Ջեյհուն Բայրամովը Հայաստանին մեղադրում է «չհիմնավորված տարածքային հավակնությունների» մեջ։
«Ներկայում Հայաստանը պետք է ընտրություն կատարի տարածաշրջանային համագործակցության և հարևանների հանդեպ անօրինական ու չհիմնավորված տարածքային հավակնությունների միջև։ Իհարկե, այս հարցում նշանակություն ունի նաև միջազգային հանրության դերը»,- գրել է Բայրամովը «Ադրբեջան» պաշտոնաթերթի իր հոդվածում։ Նրա խոսքով՝ «չափազանց կարևոր է չաջակցել Հայաստանի ռևանշիստական փորձերին իրենց ցանկացած դրսևորմամբ, և անհրաժեշտ է «Երևանին խաղաղության կոչ անել, քանի որ տարածաշրջանի բարեկեցության համար այլընտրանք չկա»։
