ԱՄՆ պետքարտուղար Էնթոնի Բլինքենն ասել է, որ Հայաստանի և Ադրբեջանի արտգործնախարարների վաշինգտոնյան բանակցություններում կարևոր առաջընթաց է գրանցվել։
«Շնորհակալ ենք Ադրբեջանի և Հայաստանի ԱԳ նախարարներ Ջեյհուն Բայրամովին և Արարատ Միրզոյանին՝ կայուն խաղաղության համաձայնագրի ուղղությամբ աշխատանքում թափանցիկության և անկեղծության ոգու համար։ Կարևոր առաջընթաց է գրանցվել, և մենք հանձնառու ենք տարածաշրջանում խաղաղության հաստատմանը»,- գրել է նա Twitter-ի իր միկրոբլոգում։
Բանակցություններն ԱՄՆ-ում
Հունիսի 27-29-ը Վաշինգտոնում կայացել է հայ-ադրբեջանական բանակցությունների հերթական փուլը։ Առաջին օրը պետքարտուղար Բլինքենը հանդիպել է Հայաստանի և Ադրբեջանի արտգործնախարարների հետ, տեղի են ունեցել նաև եռակողմ բանակցություններ։ Հունիսի 28-ին ՀՀ ԱԳ նախարար Արարատ Միրզոյանի հանդիպմանը ԱՄՆ ազգային անվտանգության հարցերով խորհրդական Ջեյք Սալիվանի հետ ներկա է եղել Ադրբեջանի արտգործնախարար Ջեյհուն Բայրամովը։ Հունիսի 29-ին կրկին տեղի է ունեցել Բլինքենի երկկողմ և եռակողմ հանդիպումները Միրզոյանի և Բայրամովի հետ։
Բանակցություններից հետո Հայաստանի ԱԳՆ-ն հայտարարել է, որ կողմերը համաձայնության են հասել «Խաղաղության և միջպետական հարաբերությունների հաստատման մասին» համաձայնագրի նախագծի ևս մի քանի հոդվածների շուրջ և գրացել փոխըմբռնման առաջընթաց՝ միևնույն ժամանակ արձանագրելով, որ մի քանի առանցքային հարցերի շուրջ դիրքորոշումները պահանջում են հետագա աշխատանք:
