Փարիզն ու Երևանը կիրակի կձևակերպեն ֆրանսիական սպառազինության գնման պայմանավորվածություններ, մասնավորապես հակաօդային պաշտպանության ոլորտում, հայտարարել է Ֆրանսիայի պաշտպանության նախարար Սեբաստիան Լեկորնուն։
«Անհրաժեշտ է հնարավորություն տալ Հայաստանին պաշտպանել իր խաղաղ բնակչությանը և ապահովել իր սահմանների պաշտպանությունը, վաղը մենք կպաշտոնականացնենք Հայաստանի կողմից ֆրանսիական արտադրողներից որոշակի քանակությամբ զենքերի ձեռքբերումը, մասնավորապես՝ ստորագրելով պայմանագիր, որը թույլ կտա երկրին ապահովել իր օդային տարածքի պաշտպանությունը»,- ասել է նախարարը Le Parisien-ին տված հարցազրույցում:
Ավելի վաղ Ֆրանսիայի արտգործնախարար Քեթրին Կոլոնան հայտարարել էր, որ Փարիզը հավանություն է տվել Երևանի հետ համաձայնագրին, որը թույլ է տալիս ռազմատեխնիկական օգնություն տրամադրել Հայաստանին։
