Լեռնային Ղարաբաղից հայերի արտագաղթն անընդունելի է, հայտարարել է Գերմանիայի ԱԳՆ ղեկավար Աննալենա Բերբոքը։
«Ադրբեջանը ընտրել է ռազմական ուժի ուղին։ Մենք ակտիվ կերպով դատապարտում ենք Բաքվի հարձակումը և կոչ ենք անում լիովին դադարեցնել ցանկացած ռազմական գործողություն։ Ընդամենը երկու օրվա ընթացքում շատ մարդիկ են մահացել, հազարավոր մարդիկ ստիպված են եղել լքել իրենց տները: Մենք ի գիտություն ենք ընդունել հրադադարի մասին հաղորդագրությունները, բայց այն, ինչ հիմա անհրաժեշտ է, բռնության ամբողջական դադարեցում է։ Ադրբեջանը պատասխանատվություն է կրում Լեռնային Ղարաբաղում բնակվող խաղաղ բնակչության, հատկապես երեխաների պաշտպանության լիարժեք ապահովման համար»,- հայտարարել է Գերմանիայի արտաքին գործերի նախարար Աննալենա Բերբոքը՝ Լեռնային Ղարաբաղում տիրող իրավիճակին նվիրված ՄԱԿ-ի Անվտանգության խորհրդի արտահերթ նիստի ընթացքում։
Միաժամանակ, նրա խոսքով, չի կարելի կասկածի տակ դնել ինչպես Հայաստանի, այնպես էլ Ադրբեջանի տարածքային ամբողջականությունն ու ինքնիշխանությունը.
Լեռնային Ղարաբաղի ժողովուրդը, նշել է արտգործնախարարն, արժանի է ապրելու անվտանգության և իրավունքների պաշտպանության պայմաններում։
