Եվրամիությունը հայտարարել է որ Բաքուն պատասխանատու է Ղարաբաղի հայերի իրավունքների և անվտանգության ապահովման համար։
Ադրբեջանը պատասխանատվություն է կրում Ղարաբաղի հայերի իրավունքների և անվտանգության ապահովման համար, այդ թվում՝ իրենց տներում արժանապատիվ ապրելու` առանց ահաբեկման և խտրականության։ Խոսվում է նաև տեղահանված անձանց վերադարձի իրավունքի մասին: Չափազանց կարևոր է, որ առաջիկա օրերին ՄԱԿ-ի առաքելությունը կարողանա մուտք գործել տարածք,ասված է Հայաստանում ԵՄ պատվիրակության հայտարարության մեջ։
Նշվում է, որ Եվրամիությունն ի գիտություն է ընդունել Ադրբեջանի իշխանությունների կողմից հայտարարված հատուկ հարթակի միջոցով Հայաստանի բնակիչների գրանցման գործընթացի մեկնարկը և կշարունակի ուշադիր հետևել տեղում իրադարձությունների զարգացմանը։
Բացի այդ, մատնանշվում է շարունակական, անխոչընդոտ մարդասիրական աջակցություն ցուցաբերելու հրատապ անհրաժեշտությունը նրանց, ովքեր դեռ օգնության կարիք ունեն Ղարաբաղում, ինչպես նաև այնտեղից հեռացածներին։
«Եվրամիությունն աջակցում է Կարմիր խաչի միջազգային կոմիտեի (ԿԽՄԿ) աշխատանքին, որը նպաստում է վիրավորների և հիվանդների շտապ տարհանմանը, ինչպես նաև տեղում շտապ օգնության ցուցաբերմանը», - ասվում է հաղորդագրությունում։
