Մոսկվան շարունակում է Երևանը համարել դաշնակից, իսկ երկու երկրների տնտեսական համագործակցությունը նկատելի աճ է գրանցում։ Այս մասին լրագրողներին ասել է ՌԴ փոխվարչապետ Ալեքսեյ Օվերչուկը, փոխանցում է ՏԱՍՍ-ը։
«Մենք ելնում ենք նրանից, որ Հայաստանը մեր դաշնակիցն է, մենք ունենք շատ կարևոր տնտեսական հարաբերություններ Հայաստանի հետ 7,3 միլիարդ դոլար, և եթե նայենք վիճակագրությանը, ապա այն կրկնապատկվել է [նույն ժամանակաշրջանի համեմատ»։ Անցյալ տարի տեմպերը շատ լավ են, տնտեսությունը շատ լավ է զարգանում»,- ասաց նա՝ հիշելով նաև Հայաստանի ակտիվ մասնակցությունը ԵԱՏՄ-ին։
Օվերչուկին հարցրել են Երևանի հետ համագործակցության մասին ՆԱՏՕ-ի հոբելյանական գագաթնաժողովի համատեքստում, որին հրավիրված են Ադրբեջանի, Հայաստանի, Վրաստանի, Իսրայելի, արաբական երկրների և Հնդկ-խաղաղօվկիանոսյան տարածաշրջանի ՆԱՏՕ-ի գործընկերների ներկայացուցիչներ։
Հայաստանի ԱԳՆ-ն ավելի վաղ հայտնել էր, որ ամերիկյան կողմի հրավերն ընդունվել է։
