Հայաստանի պաշտպանության նախարարության նախկին ղեկավար Արշակ Կարապետյանը «Իզվեստիային» ասել է Ադրբեջանի կողմից Հայաստանի վրա նոր հարձակման վտանգի մասին՝ կապված Նախիջևան անցում կառուցելու Բաքվի ցանկության հետ։ «Կարծում եմ, որ նոր պատերազմը միանգամայն հնարավոր է։ Ադրբեջանն առաջին հերթին շահագրգռված է ցամաքային մուտքով Նախիջեւան, որպեսզի դրա միջոցով կապ ունենա Թուրքիայի հետ»,- նշեց նա։
Միաժամանակ Կարապետյանը վստահ է, որ նման ծրագրի իրականացումը կվնասի հենց Ադրբեջանին։ «Եթե զինված ագրեսիայի փորձ կատարվի, ապա ինչ-որ արևմտյան կոալիցիա Ալիևին [Ադրբեջանի նախագահին] կհայտարարի բռնապետ և հարմար պատրվակ կստանա երկիրը գրավելու համար։ Սրանից հետո հանրապետությունը կբաժանվի մասերի, և նավթն ու գազը էժան կտեղափոխվեն Արևմուտք»,- վստահ է ՀՀ պաշտպանության նախկին նախարարը։
Նա կարծում է, որ այս դեպքում կկրկնվի իրաքյան կամ լիբիական սցենարը։ «Հետևաբար, Հայաստանը ինչ-որ իմաստով բուֆեր է և նույնիսկ՝ Ադրբեջանի գոյության երաշխավոր»,- եզրափակեց Կարապետյանը։
Հունվարի 17-ին Հայաստանի վարչապետ Նիկոլ Փաշինյանը հայտարարեց, որ պատրաստ է Ադրբեջանի համար բացել Նախիջևան անցումը նույն պայմաններով, ինչ Իրանը։
