Հայ-ադրբեջանական բանակցությունների հաջորդ փուլը սպասվում է սեպտեմբերին, ասել է հատուկ հանձնարարություններով դեսպան Էդմոն Մարությանը։
Հանրային հեռուստաընկերությանը տված հարցազրույցում նա հիշեցրել է, որ Հայաստանի և Ադրբեջանի միջև խաղաղության պայմանագրի քննարկման վերաբերյալ վերջին հանդիպումը տեղի է ունեցել Մոսկվայում (հուլիսի 25-ին, Ռուսաստանի Դաշնության, Հայաստանի և Ադրբեջանի արտգործնախարարների մասնակցությամբ՝ խմբ.)։
«Հայաստանի վարչապետը և արտաքին գործերի նախարարը մի քանի հայտարարություններ են արել, որ Ադրբեջանի գործողությունները վնասում են խաղաղ գործընթացին, հանգեցնում դրա զրոյացման։ Հայաստանը դուրս չի եկել խաղաղ գործընթացից և չի պատրաստվում դուրս գալ՝ հավատարիմ մնալով այս գործընթացին։ Սակայն, ինչպես ասում են, տանգո մենակ չի պարվում, մենք էլ մեր հերթին շարունակում ասում են, տանգո մենակ չի պարվում, մենք էլ մեր հերթին շարունակում ենք աշխատել խաղաղ համաձայնագրի վրա»,- ասել է Մարությանը։
Մեկնաբանելով Բաքվի նոր մեղադրանքները Երևանին ուղղված «տարածքային պահանջների» վերաբերյալ՝ հատուկ հանձնարարություններով դեսպանը ընդգծել է, որ Ադրբեջանի զինված ուժերը գտնվում են Հայաստանի ինքնիշխան տարածքում։ Մարուքյանը նաև նշել է, որ Հայաստանը տարածքային պահանջներ չի ներկայացրել Ադրբեջանին. ամեն ինչ ճիշտ հակառակն է։
«Կան անցյալ տարվա սեպտեմբերի իրադարձություններ, ավլի վաղ տեղի ունեցած իրադարձություններ։ Խոսքն, ընդհանուր առմամբ, 150 քառակուսի կիլոմետր Հայաստանի ինքնիշխան տարածքի մասին է, որը ներկայումս օկուպացված է Ադրբեջանի կողմից։ Ադրբեջանը պետք է դուրս բերի իր զորքերը, Հայաստանի Հանրապետությանը հանձնի բոլոր գերիներին՝ համաձայն 2020 թվականի նոյեմբերի 9-ի հայտարարության, բոլոր ռազմագերիներին, քաղաքացիական անձանց, վերջերս առևանգված մարդկանց և, Ալմաթիի հռչակագրի համաձայն՝ սահմանազատման համար հիմք ընդունի 1975 թվականի քարտեզն»,- ասել է Մարուքյանը։
