Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան արդյունավետ է որակել հայաստանյան այցը։
«Արդյունավետ հանդիպումներ Երևանում վարչապետ Նիկոլ Փաշինյանի, ԱԳ նախարար Արարատ Միրզոյանի և Անվտանգության խորհրդի քարտուղար Արմեն Գրիգորյանի հետ։ Քննարկել ենք Հայաստան-ՆԱՏՕ համագործակցության ընդլայնման ուղիները և տարածաշրջանային անվտանգության դինամիկան, մասնավորապես վերջին բանակցություններից հետո Հայաստանի և Ադրբեջանի միջև խաղաղ գործընթացի ներկա վիճակը»,- գրել է նա Twitter-ում։
