Թուրքիայի հեռահաղորդակցության և տրանսպորտի նախարար Աբդուլքադիր Ուրալօղլուն խոսել է այսպես ասած «Զանգեզուրի միջանցքից»։
Թուրքական A haber հեռուստաընկերության ուղիղ եթերում թուրք նախարարը նշել է, թե Թուրքիայի նախագահի՝ Նախիջևան այցի ժամանակ էլ խոսվել է «Զանգեզուրի միջանցքի» մասին, որը ունենալու է, թե ավտոճանապարհ, թե երկաթգիծ Թուրքիայից մինչև Բաքու։
Աբուլքադիր Ուրալօղլուն պնդել է, թե դեպի թյուրքական աշխարհ և միևնույն ժամանակ դեպի Պեկին ձգվող ճանապարհին «Զանգեզուրի միջանցքը» կարևոր հանգույց է լինելու։ «Հայաստանի հետ բանակցություններ են ընթանում։ Ճիշտը Հայաստանի միջոցով անցնելն է, եթե չստացվի, ապա Իրանով կանենք այդ միջանցքը։ Նախագահ Էրդողանը հայտնել է, որ Իրանի հետ էլ հնարավոր է, համապատասխան բանակցությունները կան»,–ասել է նա։
Նշենք, որ Թեհրանն արդեն իսկ տարակուսանք է հայտնել հարցի այս ձևակերպման կապակցությամբ։
