Թուրքիայի իշխանությունները կշարունակեն ջանքերը «տարածաշրջանում բոլոր հակամարտությունները վերջ տալու համար»։ Այս մասին ՌԴ նախագահ Վլադիմիր Պուտինի հետ հեռախոսազրույցում հայտարարել է Թուրքիայի նախագահ Ռեջեփ Թայիփ Էրդողանը։
Ինչպես հայտնել է Թուրքիայի ղեկավարի գրասենյակը X սոցիալական ցանցում, երկու նախագահների զրույցը վերաբերել է Դաղստանում տեղի ունեցած ահաբեկչությանը։ Էրդողանն ասել է, որ Թուրքիան դեմ է ահաբեկչությանը իր բոլոր ձևերով և խստորեն դատապարտում է հարձակումները։ Նա ցավակցություն է հայտնել հարձակման հետևանքով մարդկանց մահվան համար, իսկ վիրավորներին մաղթել շուտափույթ ապաքինում, հայտնում է РБК-ն։
Կրեմլը հաստատել է զանգի փաստը։ «Էրդողանը խստորեն դատապարտել է Դաղստանում ահաբեկիչների հանցավոր հարձակումը, համերաշխության զգացում է հայտնել ռուս ժողովրդին և անկեղծ ցավակցություն հայտնել զոհերի ընտանիքներին», - ասվում է Կրեմլի մամուլի ծառայության հաղորդագրության մեջ։
