Չորեքշաբթի օրը Սյունիքի մարզի Կապան քաղաքում բացվել է Հայաստանում ԵՄ քաղաքացիական առաքելության օպերատիվ գրասենյակը։
Հայաստանում ԵՄ դիտորդական առաքելության ղեկավար Մարկուս Ռիտերը հայտնել է, որ առաքելությունն, ըստ ծրագրի, մտադիր է Հայաստանում բացել 6 գրասենյակ։ Նա նշել է, որ Կապանից հետո նախատեսվում է կենտրոններ բացել Իջևանում և Եղեգնաձորում։ Ռիթերն ասել է, որ Կապանի կենտրոնը կարևոր է ռազմավարական տեսանկյունից.
«Այս կենտրոնը մեզ հնարավորություն կտա պարբերաբար զեկուցել Սյունիքում և Կապանում տիրող իրավիճակի մասին, հուսով եմ, որ մեր ներկայությունն այստեղ կնպաստի խաղաղ գործընթացին»,- ասել է նա։
Սյունիքի մարզպետ Ռոբերտ Ղուկասյանն ասել է, որ դիտորդական առաքելության առկայությունը Կապանում կարող է նպաստել սահմանին կայունության ապահովմանը։
«Հուսով եմ, որ առաքելությունն իր գործունեությունը կիրականացնի այնպես, ինչպես սպասվում է բնակչության կողմից, և արդյունքները չեն ուշանա»,- ասել է նա։
Ավելի վաղ հաղորդվել էր, որ առաքելությունը նախատեսում է առաջիկա ամիսներին երեք լրացուցիչ կենտրոն բացել Կապանում, Իջևանում և Եղեգնաձորում՝ աստիճանաբար առավելագույնի հասցնելով գործառնական կարողությունները։
