Հայաստանում ՀԱՊԿ-ին քննադատում են մի շարք պատճառներով, սակայն կազմակերպությունից հանրապետության դուրս գալու հարց օրակարգում չկա, ասել է հինգշաբթի ԱԳ փոխնախարար Պարույր Հովհաննիսյանը։
«Նման հարց մեր օրակարգում չկա»,- ԱԺ-ում լրագրողների հետ զրույցում ասել է նա։
Ավելի վաղ Մոսկվան մտահոգություն էր հայտնել միջազգային խաղաղապահ առաքելություններում մասնակցության նախապատրաստման շրջանակներում սեպտեմբերի 11-20-ը Հայաստանում անցկացվելիք «ԱՐԾԻՎ ԳՈՐԾԸՆԿԵՐ-2023» հայ-ամերիկյան համատեղ զորավարժության կապակցությամբ։
ՌԴ փոխարտգործնախարար Սերգեյ Ռյաբկովը ՏԱՍՍ-ին ասել է, որ ռուսական կողմը ելնում է այն բանից, որ պետք է հավատարիմ մնալ ՀԱՊԿ երկրների հետ զորավարժությունների անցկացման պրակտիկային։ «Հայաստանը ՀԱՊԿ գծով դաշնակից է, մենք առաջնորդվել և առաջնորդվում ենք այն բանով, որ դաշնակցայնության ոգուց ելնելով պետք է հավատարիմ մնալ զորավարժությունների գործելակերպին նրանց հետ, ովքեր մտնում են այդ միության մեջ։ Մենք մեր հայ դաշնակիցների, Հայաստանում դաշնակիցների ամենալուրջ ուշադրությունն ենք հրավիրել այն բանին, որ դա մեր կողմից ընկալվում է մտահոգության տարրով»,- ասել է Ռյաբկովը։
