Հիդրոօդերևութաբանության և մոնիթորինգի կենտրոնը ներկայացրել է առաջիկա մի քանի օրերի եղանակի կանխատեսումը Հայաստանում։
Այսպես, դեկտեմբերի 1-5-ը հանրապետության ողջ տարածքում սպասվում է առանց տեղումների եղանակ
Քամին՝ հարավ-արևմտյան՝ 2-5 մ/վրկ արագությամբ։
Օդի ջերմաստիճանը դեկտեմբերի 1-4-ն աստիճանաբար կբարձրանա 5-6, Լոռիում, Տավուշում և Սյունիքում՝ 10-13 աստիճանով։
Երևանում ուրբաթ օրվա երկրորդ կեսին ջերմաչափը ցույց կտա 11-13 աստիճան տաքություն, և այս ջերմաստիճանը կպահպանվի առաջիկա չորս օրերին։
Դեկտեմբերի 4-ի ցերեկը ամենաբարձր ջերմաստիճանը սպասվում է Տավուշում և Սյունիքի հովիտներում՝ մինչև 25 աստիճան տաքություն։ Լոռիում և Սյունիքի նախալեռներում կլինի 21 աստիճան զրոյից բարձր։
