Հայաստանում կհայտնվի միջազգային չափանիշներին համապատասխանող մարզահամալիր։
Հայաստանի կառավարությունը որոշել է Հայաստանի ազգային հավաքականների մարզման կենտրոնը հանել մասնավորեցման ենթակա պետական գույքի ցանկից և փոխանցել ԿԳՄՍ նախարարությանը։
Գերատեսչության պետ Ժաննա Անդրեասյանը նշեց, որ մարզահամալիրը մեծ հնարավորություններ է ընձեռում, քանի որ ունի ունի ճաշարան, ննջարանային մասնաշենք՝ նախատեսված շուրջ 60 հոգու համար, 2 մարզադահլիճ՝ յուրաքանչյուրը 1600 քմ և կարող է դառնալ միջազգային մրցումների անցկացման վայր:
Նա նշեց, որ «այս պահին մեր հավաքական թիմերի հավաքների համար ընդամենը 2 հնարավորություն ունենք երկրում. դա Ծաղկաձորի մարզաբազան է և «Օլիմպավանը», որոնք երկորսն էլ ունեն սահմանափակ հնարավորություններ»։
Անդրեասյանը նշեց, որ ցանկալի է փաստաթղթային ու շինարարական աշխատանքներն ավարտել 2 տարվա ընթացքում` հաշվի առնելով, որ Հայաստանը հավակնում է տարբեր մարզաձևերի միջազգային խոշոր մրցաշարեր հյուրընկալել առաջիկա տարիներին։
Նախարարը նաև ասաց, որ նախատեսվում է շահույթ ստանալ նոր համալիրի գործունեությունից, ինչը թույլ կտա ոչ միայն պահպանել բուն համալիրի գործունեությունն, այլև գումար խնայել հավաքականների նախապատրաստումների վրա ծախսվող գումարները։
